Apoiada únicamente coa publicidade de tres empresas comarcais ( Constructora Rodriguez Paz, S.L., Allianz Seguros e Vilanova Peña, C.B.) e unha pequena e puntual subvención da Diputación Provincial de Pontevedra e do Concello de Vilanova de Arousa, editouse o número 0 no mes de xaneiro do ano 2000. Neste número apareceron por primeira vez e de xeito ordeado-, unha serie de documentos como a partida de nacemento, que constataba que a casa onde naceu era a familiar do "Cantillo", e outros documentos significativos como o da chamada a filas, as calificacións académicas, o acta matrimonial entre outros, reseñados e estudados en varios artigos, imprescindibles para a elaboración dunha biografía seria e documentada que redima dos mitos e pantasmas que invaden tantas pseudobiografías escritas ata o día de hoxe.

Medalla de la A.D.E., año 2006 A Xunta Directiva da Asociación de Directores de Escea de España, na sua reunión do 3 de marzo de 2006, tomou a decisión de concedela Medalla da A.D.E. á Revista Cuadrante, "por su tenaz y valiosa contribución a los estudios en torno a Valle-Inclán, una de las figuras más relevantes de la literatura dramática contemporánea."

A Revista Cuadrante faise cunha tirada de 1.500 exemplares que distribúense entre os socios e suscriptores, e envíase a 48 universidades españolas: Huelva, Almería, Málaga, Madrid, Navarra, Zaragoza, Lleida, León, Salamanca, Deusto, a Universidade Pontificia de Comillas..., chegando a traspasalas nosas fronteiras, reciben a nosa publicación en Dublín (Trinity College), Polonia (Institute Iberoamericano), Alemania (Instituto Iberoamericano de Berlín), Italia (Universitá degli Studi di Milano) e nos Estados Unidos, onde profesan grande interese pola nosa revista, en Colorado (University of Colorado at Boulder), Pennsylvania (State University),...

SUMARIOS REVISTAS PUBLICADAS. Pinchar para ollalos sumarios. (A revista nº 0, nº 1 e nº 2, pódense descargar dun xeito gratuíto.)